Elimizdegi jappaı tártipsizdik kezinde tutqyndalǵandardyń qatarynda Qazaqstanda tyıym salynǵan ekstremıstik aǵymdardyń 35 ókili bar ekeni anyqtaldy, dep habarlaıdy Egemen.kz.
Bul týraly Arnaıy prokýrorlar qyzmetiniń basshysy Rızabek Ojarov málimdedi.
«Qazirgi kezde qamaýǵa alynǵan azamattar arasynda tyıym salynǵan ekstremıstik aǵymdardyń 35 múshesi bar ekeni naqtylandy. Máselen, Almaty qalasynda destrýktıvti dinı aǵymnyń qylmystyq baǵyttaǵy bir top múshesi qolǵa tústi. Quryqtaý kezinde qoldanýǵa daıyn atys qarýy bar ekeni málim boldy. Olar óz áreketterin jaqsylap jan-jaqty josparǵa saı túzgen», dedi Rızabek Ojarov Ortalyq kommýnıkasııalar qyzmetinde ótken baspasóz máslıhatynda.