Búgingi tańda qara qurlyqta fýtboldan Senegal quramasynyń aıy ońynan týyp tur. Oǵan keshe ǵana Kamerýnda aıaqtalǵan Afrıka kýbogy jolyndaǵy jarys barysynda anyq kóz jetkizdik.
Fınalda Senegal men Mysyr quramalary kúsh synasty. Iаýndedegi Pol Bıııa stadıonynda ótken kezdesýde esep ashylǵan joq. Bir aıta keterligi, báseke bastalǵan bette mysyrlyqtardyń qaqpasyna penaltı belgilengen edi. Alaıda senegaldyqtardyń bas juldyzy Sadıo Mane óz múmkindigin utymdy paıdalana almady. Qosymsha ýaqytta da eshteńe ózgermedi. Sodan bas júldeniń ıegeri penaltı soǵý barysynda anyqtaldy. Bul rette Senegal fýtbolshylarynyń asyǵy alshysynan tústi. Bul komandanyń quramyndaǵy Kýlıbalı Kalıdý men Dıallo Abdý nysanany dál kózdese, mysyrlyqtar sapynan Saıed Ahmed qana mergendik tanytty.
Osylaısha, sheshýshi synda 2:1 esebimen jeńiske jetken Senegaldyń fýtbolshylary óz tarıhynda tuńǵysh ret Afrıka kýbogyn oljalady. Al qola medaldy Kamerýn quramasy ıelendi.