Shyǵys Qazaqstan oblysynda sybaılas jemqorlyqqa qatysy bar 70 memlekettik qyzmetker jaýapkershilikke tartyldy, dep habarlaıdy Egemen.kz.
Oblys sotynyń baspasóz qyzmeti málimdegendeı, bir jyl ishinde sybaılas jemqorlyqqa qatysy bar 70 memlekettik qyzmetkerge qatysty tergeý júrgizildi. Olardyń qatarynda ákimdikte, quqyq qorǵaý organdarynda, bilim basqarmasynda jáne basqa da salalarda jumys isteıtin sheneýnikter bar.
Sot sheshimi boıynsha 12 adamǵa aıyppul salynyp, 57 mıllıon teńgeden astam qarajat óndirip alyndy.
«58 adam bas bostandyǵynan aıyrý nemese shekteý túrindegi jazaǵa tartyldy. Aıyppul jazasy kúzetshilerge, túrli operatorlarǵa, veterınarlyq baqylaý mamandaryna qoldanylǵan. О́ndirip alýdyń eń iri somasy 6 mıllıon teńgeni qurady», dep túsindirdi Shyǵys Qazaqstan oblystyq soty qylmystyq ister jónindegi sot alqasynyń tóraǵasy Qaırat Chakpantaev.