Kádege jaratý alymy boıynsha mólsherlemeler qysqartylatyn bolady. Bul týraly Úkimettiń keńeıtilgen otyrysynda QR Premer-Mınıstri Álıhan Smaıylov málimdedi, dep habarlaıdy Egemen.kz.
«Lastaýshy zattar shyǵaryndylaryn azaıtýǵa, qaldyqtar men sý resýrstaryn basqarý júıesin jetildirýge, kólderdi qalpyna keltirýge baǵyttalǵan sharalardy iske asyrý jalǵasady. Avtokólik pen aýyl sharýashylyǵy tehnıkasynan kádege jaratý alymynyń mólsherlemeleri olardy aıtarlyqtaı azaıtý jaǵyna qaraı qaıta qaralýda», dedi Álıhan Smaıylov.
Úkimet basshysy aǵyndy sýlardy aǵyzý kólemin azaıtý, tehnologııalyq qajettilikter úshin tushy sýdy tutynýdy azaıtý jáne tabıǵı qoqystardyń sanyn azaıtý boıynsha sharalar júzege asyrylatynyn aıtty.
Memlekettik basqarýdy jańǵyrtý sheńberinde memlekettik organdardyń aqparattyq júıeleriniń qaıtalanýyn jáne olardyń tolyq ıntegrasııalanýyn boldyrmaý úshin biryńǵaı IT platformaǵa kóshý qamtamasyz etiledi jáne memlekettik organdardaǵy prosester men rásimderdiń reınjınırıngi júrgiziledi.