Dert dendemesin desek...

Eresektermen qatar bala­lar­dyń da indet qarmaǵyna iligýi jıilep barady. Qashyqtan oqy­tylyp, saqtyq sharala­ry meı­linshe saqtalsa da, dert den­de­ýi báseńsıtin emes. Derek­ter­ge kóz salatuǵyn bolsaq, jaman tu­maý bastalǵaly óńirdegi mektep oqýshylary arasynda indet juqtyrýdyń 6 066 jaǵdaıy tirkelgen. Demek, bul oraıda áli de juqpaly aýrý juqtyrýdyń qaýpi mol.

Keıingi táýlikterde stasıonarda emdelip jatqan syrqat­tar­dyń sany 2,2 esege azaıdy. Bul jaı ınfeksııalyq aýrý­ha­na­lardaǵy tósektik oryn sanyn eptep qysqartýǵa múmkindik týǵy­zyp otyr. Kúrdeli kezeńdegi me­dısınalyq mekemelerdiń jaǵ­daıy týraly sóz sabaqtaı ketelik. Barlyq aýrýhana ottegimen ty­nystaý apparattarymen qam­ta­masyz etilgen. Bul oraıda orta­lyq­tandyrylǵan júıeniń de bar ekenin, oǵan qosa 1 171 konsetratorlar alynǵanyn aıta ketken jón. Qazir 17 ınfeksııalyq stasıonar jumys istep tur. О́kinishke qaraı, osy jyldyń basynan beri daýasyz dert saldarynan 27 adam ólimi tirkeldi. Ázirge medısına kadrlaryna tapshylyq joq. Eger indet údep ketetin bolsa, 330 sala qyzmetkeri bilek biriktirip jumys isteýge daıyn tur.

Densaýlyq saqtaý salasy nysandarynyń materıaldyq-tehnıkalyq bazasyn nyǵaıtý maqsatynda respýblıkalyq jáne oblystyq bıýdjet esebinen 1,5 mlrd teńge qarajat bólinip, 221 birlik medısınalyq jabdyq satylyp alyndy. Búgingi tańda óńirde 447 ókpeni ottegimen jel­detý apparatýralary bar. Kom­pıýterlik tomograftarmen 9 medısınalyq uıym jab­dyq­tal­ǵan.

Bir dátke qýaty, emhana dári­ger­leri qashyqtan jumys istep jáne onlaın konsýltasııalar júrgize alady. Osynyń ózi jedel járdem júktemesiniń 15 paıyzǵa azaıýyna múmkindik týdyryp otyr. Ras, el shetine indet jetkende jedel járdem shaqyrýdyń ózi qıyndap ketken. Qazir bul taraptaǵy aryz-shaǵym azaıdy. Shuǵyl kómek kórsetý úshin 140-tan asa mobıldi brıgada turaqty jumys isteýde. Oǵan qosymsha 41 avtokólik tar­ty­lyp otyr. Osy jyldyń qańtar aıynda mobıldi brıgadalar syrqattardyń sha­qyrýy boıynsha 7 myń márte shyǵyp, kómek kórsetken. Keıingi apta­nyń ózinde óńirde 5 794 shaqyrý tirkelip otyr. Osy bir derekke qarap-aq el ishindegi dert deńgeıin anyqtaýǵa bolady. Ob­lys ortalyǵynyń ózinde jár­dem surap shaqyratyndardyń sany ótken aptada 5,6 paıyzǵa kóbeıgen.

Oblysta suranysqa ıe dári-dármektiń eki aılyq qory ja­saq­talǵan. Indet bastalǵaly óńirde juqpaly aýrýlardan em­deıtin stasıonarlar úshin 1,8 mlrd teńgeniń dári-dármegi satylyp alynǵan. Oǵan qosa jergilikti bıýdjet esebinen «jaman tumaýdan» emdeýge arnalǵan dári-dármektiń jeke qory quryldy. Emhanalar arqyly dári-dármekpen qamtamasyz etý júıeli júrgizilýde. Qazirgi ýaqytta emhanalarda onyń mol qory bar. 2020 jyldan bas­tap oblysta tapshylyǵy baı­qal­ǵan keıbir dári-dármekti sa­typ alý úshin 500 mln teńge qarjy bólinip, turaqtandyrý qory jasaldy. Dárihanalarda vırýstyq aýrýlardy emdeıtin qajetti dári-dármektiń barlyǵy bar ári qoljetimdi. О́ńirde 352 dárihana turaqty jumys isteıdi. Suranysqa ıe dárilerdi ýaqtyly satyp alyp jetkizý úshin kelisimshart jasalǵan. Bólshek saýda jelisi men kóterme saýda qoımalaryndaǵy dári-dármekke turaqty monıtorıng júrgizilip turady.

Búgingi tańda 8 zerthana ko­ro­navırýstyq zertteýlerdi qam­tamasyz etýde. Munda táý­ligine 3 myńǵa jýyq test júr­gi­ziledi. Sóz arasynda osy jyl­dyń basynan beri 60 myń test ótkizilgenin aıta ketelik. Osyn­sha­ma halyqtyń 28 paıyzy oń nátıje kórsetken. Eger qajet bolatyn bolsa, zert­hanalardyń rezervtik qýaty táý­ligine 7 myńǵa jýyq test júr­gizýge jetedi.

Aýrýdyń aldyn alý eń aldymen vaksınaǵa baılanysty ekeni týraly san márte aıtyldy. Densaýlyq saqtaý mınıstrliginiń josparyna sáıkes, oblysta 479 160 adam vaksına alýǵa tıis­ti bolsa, kúni búginge deıin bi­rin­shi komponentpen 378 adam egil­gen. Bul – jospardyń 72 paıyzy. Ekinshi komponentpen 321 myń adam nemese aldyn ala josparlanǵan kólemniń 67 pa­ıyzy ekpe qabyldap otyr. Demek, bul arada áli de olqylyq bar degen sóz. Kúni búginge deıin 73 814 adam qaıta ekpe aldy. Kórsetkish kóńil kónshitpeıdi. Bul – jospardyń nebári 34,7 paıyzy ǵana.

Aqmola oblysy