QR Indýstrııa jáne ınfraqurylymdyq damý mınıstrligi 2022 jylǵa josparlanǵan perspektıvalyq qorǵanys jobalary týraly habarlady, dep jazady Egemen.kz.
2022 jyly otandyq qorǵanys kásiporyndary kelesi jobalar boıynsha jumysty bastaýdy josparlap otyr:
«№405 avıajóndeý zaýyty» AQ bazasynda Mı-171Sh tikushaqtaryn qurastyrý; «Qazaqstandyq avıasııalyq ındýstrııa» JShS bazasynda Airbus ushaqtaryna qyzmet kórsetý jónindegi servıstik ortalyq qurý; «Petropavl aýyr mashına jasaý zaýyty» AQ bazasynda memlekettik shekarany qorǵaýdyń tehnıkalyq quraldaryn óndirý; «Tynys» AQ, «Alma MÚ» jáne «Mılıtarm» JShS bazasynda radıasııalyq jáne hımııalyq qorǵaý quraldaryn óndirý; «Semeı ınjınırıng» AQ bazasynda bronetanktik tehnıkany jańǵyrtý; «Steelmanufacturing» JShS bazasynda avtomatty oq-dáriler óndirisi; «Qazaqstan Paramaýnt ınjınırıng» JShS bazasynda «Barys 8h8» brondy dóńgelekti mashınalar óndirisi; «Tynys» AQ bazasynda AK-12 jáne AK-15 avtomattary óndirisi.Eske sala ketsek, 19 qańtarda Prezıdent Qasym-Jomart Toqaev Qarýly Kúshterdiń jaýyngerlik qabiletin túbegeıli arttyrýdy talap etti. Memleket basshysy birqatar mindetter qoıdy, onyń ishinde Qazaqstan armııasynyń tehnıkalyq jáne jaýyngerlik jaraqtandyrylýyn jańartý, qarý-jaraq parkin tolyqtyrý jáne basqalary bar.