Afrıka elderinde sońǵy 30 jylda bolmaǵan qurǵaqshylyq saldarynan 13 mln adam ashtyqqa ushyraýy múmkin. BUU osyndaı málimdeme jasady, dep jazady Egemen.kz.
Dúnıejúzilik uıym eger tez arada sheshim qabyldanbasa jaǵdaıdyń odan ári ýshyǵa túsetinine alańdaýly.
Josparǵa sáıkes Somalı elindegi 4,5 mln adamdy aldaǵy alty aıda turmystyq qajettiliktermen qamtamasyz etý úshin shamamen 327 mln dollar qarjat qajet.
Efıopııa, Kenııa jáne Somalı elderinde sońǵy úsh jańbyrly maýsymda jaýyn-shashyn mólsheri óte tómen deńgeıde jaýdy. Saldarynan tórt túlik mal qyrylyp, egistikter joıyldy. Mundaı qıyndyqqa ushyraǵan halyq úıin tastap, qalalarǵa kóshýge májbúr. Sol sııaqty qaýymdastyqtar arasyndaǵy qaqtyǵystardy da týdyryp otyr.
Sınoptıkter atalǵan aımaqta aldaǵy ýaqytta da jaýyn-shashyn mólsheri orta deńgeıden tómen bolatynyn aıtýda. Qurǵaqshylyq Efıopııanyń ońtústik jáne ońtústik-shyǵys, Kenııanyń ońtústik-shyǵys jáne soltústik, al Somalıdiń ortalyq-ońtústik aımaqtarynda turatyn halyqqa zııan tıgizip otyr. Osynyń áserinen azyq-túlik ónimderi kúrt qymbattady, al aýyl sharýashylyǵy eńbegine degen suranysty azaıǵan.