Naýryz – birliktiń, tatýlyqtyń, eńbektiń, izgiliktiń, baqyttyń merekesi. Kóktemniń lebi esken osy aıtýly meıramǵa oraı bıyl qazaqstandyqtar 5 kún boıy demalady. Osyǵan baılanysty turǵyndardyń elimiz boıynsha saparǵa shyǵýy jıileıdi.
«Jolaýshylar tasymaly» aksıonerlik qoǵamy Naýryz merekesiniń osyndaı erekshelikterin eskere kelip, elge qyzmet kórsetý sapasyn jaqsartý maqsatynda keshendi sharalardy júzege asyrýda. Atap aıtqanda, mereke qarsańyndaǵy jáne naqty mereke kúnderi jolaýshylar tarapynan bolatyn joǵary suranysty qanaǵattandyrý maqsatynda «Jolaýshylar tasymaly» AQ 2014 jyldyń 19-25 naýryz kúnderi jolaýshylar poıyzdarynyń kestesin qosymsha vagondarmen tolyqtyrýdy qamtamasyz etti. Sóıtip, Qazaqstannyń suranysy asa joǵary degen aımaqtaryna qatynaıtyn poıyzdarǵa qosymsha barlyǵy 116 vagon tirkelmek. Vagondardy tirkeý kestesine baılanysty jolaýshylardyń barlyq suranystary eskeriletin bolady.
«Egemen-aqparat».