Jylqy dese, turatuǵyn eleńdep,
Jylqyjandy qazaq jaıly óleń kóp.
«Er qanaty – at» degendi pir tutyp,
Es bilgennen jylqy qamyn kelem jep.
Jylqylar-aı, jylqylar-aı, jylqylar,
Bir-birinen ozǵysy kep julqynar.
«Júzden – júırik, myńnan – tulpar» demeı me?
Oıǵa alsam-aq, júregime jyr tunar.
Jylqylar-aı, jylqylar-aı, jylqylar,
Kóńilimde kıemmenen bir turar.
Soǵym izdep sabylǵanda jurt myna,
Shybyn janym taǵat tappaı shyrqyrar.
Jylqylar-aı, jylqylar-aı, jylqylar,
Ene dese qulyn-taıy shurqyrar.
Kúldir-kúldir kisineıdi – ne deıdi?
Múmkin bizge aıtylǵan bul muń shyǵar...
Jylqylar-aı, jylqylar-aı, jylqylar,
Ishterinde dúldúlder bar birtýar.
Jylqymenen bizdiń halyq uqsas qoı,
Kóshelisi jáne shaǵyn turqy bar...
Jylqylar-aı, jylqylar-aı, jylqylar,
Shaýyp ótse, dala shańy burqyrar.
...Biz sııaqty jylqyminez halyqty
Bıylǵy jyl jarylqaıtyn jyl shyǵar!!!
Aıtqalı NÁRIKOV.
Oral.