Reseı men Qazaqstannyń densaýlyq saqtaý mınıstrlikteri COVID-19-ǵa qarsy vaksınalaý sertıfıkattaryn taný tártibi týraly kelisti. Bul týraly Reseı SIM TMD elderi boıynsha departamentiniń dırektory Aleksandr Sternık málimdedi, dep jazady Egemen.kz.
«Qoldanystaǵy saıası sheshimniń negizinde Reseı men Qazaqstannyń densaýlyq saqtaý mınıstrlikteri vaksınalaý sertıfıkattaryn taný tártibin kelisti. Jeke derekterdi, medısınalyq qupııany jáne t.b. aqparatty qorǵaýdy qamtamasyz etý maqsatynda sıfrlyq agenttikter jumysqa qosyldy», dedi ol.
Dıplomat 2021 jyldyń sońynda Qaraǵandyda reseılik «Spýtnık V» vaksınasynyń óndirisi bastalǵanyn jáne vaksınany zertteýdiń oń nátıjeleri alynǵanyn atap ótti.