Almatyda bıznes sýbektilerine múliktik zııandy anyqtaý jónindegi óńirlik komıssııasy jalpy somasy 188,6 mln teńgege kásipkerlerdiń 102 ótinimin maquldady, dep jazady Egemen.kz.
Onyń ishinde 32 ótinim bıýdjet qarajaty esebinen, 70 ótinimi «Jańa Alataý» qaıyrymdylyq qorynyń qarajatynan óteldi.
Aıta keteıik, búgingi tańda komıssııa 644,9 mln teńge somasyna 362 ótinimdi maquldady. Onyń ishinde 212,4 mln teńgege 140 ótinim bıýdjet qarajatynan, 432,5 mln teńgege 222 ótinim qor qarajatynan qarjylandyrylmaq.
«Zardap shekken shaǵyn jáne orta bıznes sýbektilerinen ótinimder túsý jalǵasýda, Info Kazakhstan saıtyna Almaty qalasy kásipkerlerinen barlyǵy 2 myńǵa jýyq ótinim kelip tústi», dep málimdedi basqarma.