BJZQ-nyń 30-ǵa jýyq salymshysy zańsyz áreketterdiń qurbany boldy, dep habarlaıdy Egemen.kz.
BJZQ salymshylary belgisiz deldaldardyń alaıaqtyǵyna tap bolǵanyn habarlady. Olar ózderin qor qyzmetkerleri retinde tanystyryp, turǵyn úıge nemese emdelýge zeınetaqy jınaqtaryn alýǵa kómek beretinderin aıtqan. 30-ǵa jýyq salymshy osy zańsyz áreketterdiń qurbany boldy.
Budan basqa, áleýmettik jeliler men messendjerlerde jyljymaıtyn múlikti zeınetaqy jınaqtary esebinen tutyný kooperatıvteri nemese ózge de kompanııalar arqyly satyp alý týraly jalǵan aqparat taratylady.
Zeınetaqy jınaqtarynyń eń tómengi jetkiliktilik sheginen asatyn bóligin turǵyn úı men emdelýge paıdalaný múmkindigi Qazaqstan Respýblıkasy Úkimetiniń qaýlysymen bekitilgen ýákiletti operatorlar arqyly tek elektrondyq formatta iske asyrylady.
Búgingi tańda zeınetaqy jınaqtarynyń bir bóligin turǵyn úı jaǵdaılaryn jaqsartýǵa paıdalanýǵa ótinishter qabyldaıtyn ýákiletti operatorlar «Otbasy bank» turǵyn úı qurylys jınaq banki» AQ, «Qazaqstan Halyq banki» AQ, «Altyn Bank» AQ, «Bank SentrKredıt» AQ jáne «Bank Frıdom Fınans Qazaqstan» AQ bolyp tabylady, al zeınetaqy jınaqtaryn emdeý úshin paıdalanýǵa «Otbasy bank» turǵyn úı qurylys jınaq banki» AQ biryńǵaı operatory bolyp tabylady.
BJZQ zeınetaqy jınaqtaryn paıdalaný úshin úshinshi tulǵalarǵa júginbeýdi, beıtanys saıttarǵa kúdikti siltemeler boıynsha ótpeýdi, qajetti aqparatty tek enpf.kz resmı saıtynan ǵana tekserýdi suraıdy.