2021 jyly 20 myńnan astam qazaqstandyq ádemi nómirlerge ıe bolǵan.
Byltyr qazaqstandyqtar jalpy somasy 5,8 mlrd teńgege joǵary suranysqa ıe nemese VIP dep atalatyn nómirlerdi satyp alǵan. Avtokólik ıeleri 2020 jylmen salystyrǵanda ádemi nómirlerdi kóbirek resimdeı bastaǵan, ol kezde 3,9 mlrd teńgege 12 616 nómir alynǵan bolatyn.
2021 jyly VIP nómirlerge eń kóp qarajat jumsaǵan almatylyqtar 2,2 mlrd teńge somasyna 6 882 nómir alǵan. Ekinshi orynda Shymkent avtokólik ıeleri – 818 mln teńge somasyna 3 190 nómir, al úshtiktiń sońynda Nur-Sultan – 667 mln teńgege 2 231 nómir.
VIP nómirlerge suranys Soltústik Qazaqstan oblysynda az. О́tken jyly onda 45 mln teńgege barlyǵy 169 erekshe nómir tizbegi satyp alynǵan.
Sandar men áripterdiń kombınasııasyna baılanysty VIP nómirlerdiń baǵasy 174 591 teńgeden bastalady, eń qymbaty úshin 872 955 teńge suralady.
Nómir ıesi erekshe nómirler tizbegin úshinshi tarapqa syıǵa bere de, sata da almaıdy. Eger kólik satylsa, nómir ıesi ony jańa kólik satyp alǵanǵa deıin mamandandyrylǵan HQO-da 6 aı saqtaı alady.