Asa aýyr salmaqtaǵy álemniń burynǵy chempıony Entonı Djoshýanyń promoýteri Eddı Hırn ulybrıtanııalyq boksshynyń WBA, IBF, WBO, IBO tujyrymdary boıynsha álem chempıony, ýkraınalyq Aleksandr Ýsıkke qarsy ótetin ekinshi jekpe-jekke daıyn ekenin málimdedi, dep habarlaıdy Egemen.kz championat.com-ǵa silteme jasap.
«Bul joly Entonı barynsha qysym kórsetýge tıis. Árıne, ol ońaı sharýa emes. Keıbir mamandar Entonı birden iske kirisip, tóbelesýi kerektigin aıtyp jatqanyn bilemiz. О́ıtýge bolmaıdy. Sebebi Aleksandr Ýsık salmaq dárejesine qaramastan álemniń úzdik boksshysy sanalady. Sondyqtan oǵan qarsy Entonı ózinde bar barlyq basymdylyqty sátimen paıdalanýy kerek. Djoshýanyń boksshy retindegi sheberligi de, jyldamdyǵy da, kúshi de zor. Ol sol artyqshylyqtaryn birinshi kezdesýde retimen paıdalana almady. Endi olqylyqtardy túzeıtin kez keldi. Entonı aýyr shaıqasta jeńiske jetýge daıyn», deıdi promoýter.