Halyqaralyq Berlın kınofestıvaliniń «Forým» baǵdarlamasy sheńberinde QR Mádenııet jáne sport mınıstrligi tapsyrysy boıynsha «Ulttyq kınony qoldaý memlekettik ortalyǵy» qoldaýymen Sháken Aımanov atyndaǵy «Qazaqfılm» AQ túsirgen «Aqyn» fılminiń eýropalyq tusaýkeseri ótti, dep habarlaıdy Egemen.kz.
Aıta ketsek, fılmniń rejısseri atalǵan kórsetilimge qatysa almady, alaıda sheteldik kórermenderge otandyq týyndyny prodıýser Iýlııa Kım jáne aktrısa Gúljan Túzelbaeva tanystyrdy.
«Fılmniń tusaýkeserine qatysyp otyrǵanymyzǵa óte qýanyshtymyz. Uıymdastyrýshylarǵa alǵysymyz sheksiz. Rejısser Dárejan О́mirbaev búgingi belgili sebepterge baılanysty kórsetilimge qatysa almady. Meniń oıymsha shynaıy ónerge berilgen jandar bul fılmnen ózderin kóre alady. Men fılmdegi basty keıipker obrazynan rejısserdiń ózin kórip turǵandaı bolamyn. Osy kınotýyndynyń jaryq kórýine atsalysýǵa múmkindik bergen Dárejan О́mirbaevqa alǵysymdy bildiremin», dedi kórsetilim aldynda Iýlııa Kım.
Qazaqstandyq kınotýyndy Berlın kınofestıvali kórermenderiniń qyzyǵýshylyǵyn týdyrǵanyn aıta ketý kerek. Bul kórsetilimge bıletter birneshe kún buryn satylyp ketken eken. Tusaýkeserge kelgen qonaqtardyń arasynda Dárejan О́mirbaevtyń shyǵarmashylyǵymen burynnan tanys kórermender de boldy.
«Aqyn» fılmi tehnologııalar damyǵan qazirgi zamanda ónerdiń qoǵamda alatyn orny týraly oı qozǵap, poezııaǵa suranys azaıǵan dáýirde aqynnyń kúıinishi týraly syr shertedi. Qazaq halqynyń XIX ǵasyrdaǵy eń kórnekti aqyndarynyń biri Mahambet О́temisulynyń qıly taǵdyry jaıynda oıǵa batqan basty keıipker názik júrekti aqyndardyń ómiri qashan da qıyn bolǵanyn túsinedi. Fılmniń ssenarııi nemis jazýshysy German Gesseniń «Avtorlyq kesh» atty avtobıografııalyq áńgimesi jelisimen jazylǵan. Fılmdegi basty róldi «Jigitter» tobynyń ánshisi Erdos Qanaev somdaıdy.
Eske sala ketsek, atalǵan fılm Tokıoda ótken halyqaralyq kınofestıval sheńberinde alǵash kórsetilip, Dárejan О́mirbaev «Úzdik rejısser» júldesimen marapattalǵan bolatyn.