Keıingi 20 jylda ásker jáne úkimettik emes qarýly kúshterden 170 myńnan astam bala bosatyldy.
Buǵan qol jetkizý barysynda Balalardyń janjaldarǵa qatysýyna baılanysty Balanyń quqyqtary týraly konvensııanyń fakýltatıvtik hattamasy kóp kómektesken. Degenmen áli kúnge deıin kámelettik jasqa tolmaǵandar men jas balalar áskerge alynyp, barlaýshy jáne seksýaldy qul retinde paıdalanylyp keledi. «172 memleket ratıfıkasııalaǵan fakýltatıvtik hattama arqyly soǵysqa balalardy tartpaýǵa ýaǵdalastyq. Atalǵan elder 18 jasqa tolmaǵandardy áskerı áreketterge qatystyrmaýǵa ýáde bergen», delingen BUU Bas hatshysynyń Balalar jáne qarýly qaqtyǵys jónindegi arnaıy ókili men Adam quqyqtary jónindegi komıtet músheleriniń baıandamasynda. Alaıda balalar áli kúnge deıin soǵysqa qatysyp keledi. 2005 jyldan bastap balalar quqyqtarynyń buzylý faktileriniń úshten birinde olardyń áskerge áketilýi men jynystyq quldyqqa, jansyz jáne úı qyzmetshisi retinde paıdalanylǵan. 2005 jyldan bastap soǵys áreketterine 93 myń bala qatysqan.