Aralas jekpe-jek uıymynyń (UFC) asa jeńil salmaǵynda óner kórsetetin qazaqstandyq sportshy Sergeı Morozov (17-6) UFC-degi úshinshi jekpe-jegin ótkizip, ekinshi ret jeńildi.
AQSh-tyń Hıýston qalasynda ótken UFC 271 týrnırinde oktagonǵa shyqqan jerlesimiz brazılııalyq Dýglas Sılva de Andrademen (28-4-0-1) judyryqtasty. Jekpe-jektiń birinshi kezeńinde Sergeı Morozov qarsylasyna qaraǵanda basym boldy. Tipti brazılııalyqty bir márte eseńgiretip te aldy. Alaıda ekinshi raýndtyń basynda Morozovtyń ózi nokdaýnǵa túsip qaldy. Keıinnen raýnd ortasynda brazılııalyq Sergeıdi kanvasqa qulatyp, qylqyndyrý ádisimen jeńip ketti.
Osylaısha, Sılva de Andrade qatarynan ekinshi jeńisine qol jetkizdi. Endi onyń esebinde tórt jeńilis, alty jeńis bar. Morozov bolsa, UFC-de ekinshi ret sátsizdikke ushyrady. Ol byltyr reseılik Omar Nýrmagomedovten (13-0) jeńilgen edi.