«Qazgıdromet» RMK aldaǵy úsh kúnge arnalǵan aýa raıy boljamyn jarııalady, dep habarlaıdy Egemen.kz.
«Shyǵys sıklonnyń artynan, Qara teńiz aýdandarynan shyqqan keń antısıklon taralady. Osylaısha, soltústik aımaqtarda, bulttylyqtyń ashylý jaǵdaıynda túngi ýaqytta qarqyndy salqyndatý baıqalady. Bul óz kezeginde, qatty qardyń sońynan, túngi temperatýranyń tómendeýine ákeledi. Munda termometr baǵandary 15 jáne 16 aqpanǵa qaraǵan túni 18-23°C-qa deıin, keıbir aımaqtarda 27 gradýs aıazdy kórsetedi.
Elimizdiń shyǵysy men ońtústik-shyǵysynda, antısıklonnyń yǵysýyna qaraı 17 aqpan kúni jaýyn-shashynnyń toqtatylýy jáne aýa temperatýrasynyń tómendeýi kútiledi. Bul kúnderi túngi aýa temperatýrasy respýblıkanyń shyǵysynda 25-30 gradýs aıazǵa, ońtústik-shyǵysta 20-25 gradýs aıazǵa deıin tómendeıdi», delingen «Qazgıdromet» habarlamasynda.