Frıstaıl-akrobatıkadan Qazaqstan komandasynyń múshesi Aqmarjan Qalmurzaeva Olımpıadany 11-orynmen aıaqtady, dep jazady Egemen.kz QR Ulttyq olımpıada komıtetine silteme jasap.
Qazaqstandyq sportshy irikteý qorytyndysy boıynsha frıstaıl-akrobatıkadan birinshi fınalǵa ótip, TOP-12 sportshynyń qataryna engen bolatyn.
О́kinishke qaraı, fınalda Aqmarjan irikteýdegi nátıjesin qaıtalaı alǵan joq. Alǵashqy múmkindiginde sekirý elementterin oryndap, jerge túskende qulap qaldy. Tóreshiler 52.36 upaı berdi.
Ekinshi múmkindiginde Qalmurzaeva 71.23 upaı alyp, jalpy esepte 11-i orynǵa taban tiredi.