Sporttyq arbıtraj soty (CAS) reseılik mánerlep syrǵanaýshy Kamıla Valıevanyń dopıng máselesine qatysty sheshimin jarııalady. 15 jastaǵy sportshy Qysqy Olımpıadanyń aldaǵy jarystaryna qatysatyn boldy.
Olımpııa oıyndarynyń 7 aqpan kúngi jarystarynda Reseıdiń mánerlep syrǵanaý komandasy úzdik nátıje kórsetip, Olımpıada chempıony atanǵan edi. Alaıda Halyqaralyq Olımpıada komıteti (HOK) Kamıla Valıevanyń jeltoqsanda tapsyrǵan dopıng-testinen tyıym salynǵan preparat tabylǵanyn habarlady. Keıinnen Reseı antıdopıng agenttigi (RUSADA) CAS-qa apellıasııa berdi.
CAS-tyń arnaıy komıssııasy jıyn ótkizip, Valıevanyń Olımpııa oıyndarynyń qatysýyna ruqsat berdi. Sot sheshimi boıynsha, sportshy kámelet jasyna jetpegendikten, ony jarystan shettete almaıdy. О́ıtkeni Dúnıejúzilik antıdopıng kodeksinde kámelet jasyna tolmaǵandardy jarystan shettetý týraly bap joq.