WBO tujyrymy boıynsha orta salmaqtaǵy álem chempıony beldiginen basty úmitker, otandasymyz Jánibek Álimhanuly jaqyn arada brazılııalyq Eskıva Falkaomen judyryqtaspaıtyn sekildi, dep habarlaıdy Egemen.kz.
Osydan birshama ýaqyt buryn búkilálemdik boks uıymy eki boksshy arasynda álemniń ýaqytsha chempıony ataǵy úshin shaıqas ótkiziletinin málimdegen edi. Alaıda Top Rank promoýterlik uıymy óz boksshylarynyń sharshy alańda kezdeskenin qalamaıtyn sekildi. Muny áleýmettik jeliler arqyly Falkaonyń ózi de tuspaldap jetkizgen edi. «Jánibek, ekeýmizdiń kezdesýimiz maǵan emes, bizdiń komandamyzǵa, Top Rank promoýterlik uıymyna baılanysty ekenin jaqsy bilesiń» dep jazǵan bolatyn Falkao.
Falkaoǵa qarsy jekpe-jektiń ótýi ekitalaı ekenin Jánibektiń ózi de rastady.
«Ázirge eshqandaı jańalyq joq. Soǵan qaraǵanda men múlde basqa qarsylaspen judyryqtasatyn sekildimin. Kimmen qolǵap túıistiretinimdi bilmeımin. Maǵan báribir, kez kelgen qarsylasty jeńýge ázirmin. О́ıtkeni maǵan álem chempıony ataǵy kerek», dep jazdy qazaq boksshysy tvıtterde.