QR Ulttyq ekonomıka mınıstri Álibek Qýantyrov taýarlar men qyzmetter baǵasynyń ósýine jol bermeý boıynsha qabyldanyp jatqan sharalar týraly aıtty, dep habarlaıdy Egemen.kz.
UEM basshysynyń aıtýynsha, múddeli memlekettik organdarmen birlesip, 2022-2024 jyldarǵa arnalǵan ınflıasııany baqylaý jáne tómendetý boıynsha sharalar kesheni ázirlendi. Jospar ónim óndirý kólemin ulǵaıtýǵa, saqtaý men logıstıkaǵa, bólshek saýdaǵa, baǵa belgileýdi baqylaýǵa, monopolııaǵa qarsy jáne syrtqy saýda retteýine baǵyttalǵan jedel jáne orta merzimdi sıpattaǵy 61 is-sharadan turady.
«Inflıasııany baqylaý jáne tómendetý jónindegi sharalar keshenin iske asyrýdyń maqsaty - ınflıasııany 2022 jyly 4-6% dálizinde ustap turý jáne ony 2025 jylǵa qaraı 3-4% deńgeıge deıin tómendetý. Atalǵan is-sharalar azyq-túlik qaýipsizdigin qamtamasyz etý josparyn qabyldaýdy, turaqtandyrý qorlarynyń júktemesin qamtamasyz etýdi, áleýmettik mańyzy bar azyq-túlik taýarlaryn ótkizýshiler úshin jaldaý aqysyn tómendetýdi, azyq-túlik, janar-jaǵarmaı, kómir, elektr energııasy, dárilik preparattar baǵasynyń ósýin tejeýdi qamtıdy», dep túsindirdi Ulttyq ekonomıka mınıstri.