IBF jáne IBO tujyrymdary boıynsha orta salmaq dárejesindegi álem chempıony, qazaqstandyq kásipqoı boksshy Gennadıı Golovkın kezekti jekpe-jeginiń aldynda jattyǵýdy bastady, dep habarlaıdy Egemen.kz.
«Jattyǵý prosesin bastaǵanyma, komandammen qaıta qaýyshqanyma bek qýanyshtymyn. Jaqyn kúnderi Japonııada ótetin jekpe-jektiń datasy jarııalanady degen oıdamyn. Ázirge daıyndyqty jan-jaqty pysyqtap jatyrmyz», dep jazdy qazaqstandyq boksshy áleýmettik jelilerde.
Esterińizge sala keteıik, Gennadıı Golovkın kelesi kezdesýin WBA (super) tujyrymy boıynsha álem chempıony, japonııalyq Rıota Mýrataǵa qarsy ótkizedi.