«Qasiretti qańtar»: 728 adam qamaýda otyr

«Qazirgi ýaqytta aqparattyq keńistikte tergeý ızolıatorlaryn­da jasalǵan azaptaýlar týraly shyndyqqa sáıkes kelmeıtin aq­parattardy jappaı taratý jú­rip jatqany baıqalady. Biz bul aq­parattardyń shyndyqqa sáı­kes kelmeıtinin, sondaı-aq mun­daı jalǵan habarlamalardyń qo­ǵamdy ádeıi adastyryp, bolǵan oqıǵalardy burmalaıtynyn res­­mı túrde ári úlken jaýap­ker­­­shilikpen málimdeımiz», dedi J.Eshmaǵambetov. Ol qazirgi tań­da búkil qoǵamnyń nazary qań­tar oqıǵalary kezinde qamaýǵa alyn­­ǵan azamattardy ustaý jaǵ­daı­­laryna aýyp otyrǵanyn da ja­syr­mady. «Osyǵan oraı biz tergeý ızolıatorlaryndaǵy ba­qy­laýdy eki ese kúsheıtip, bul meke­melerdegi qoǵamdyq monıtorıng úshin baryn­sha ashyqtyq tanytyp otyrmyz», dedi general-maıor. Onyń málimdeýinshe, komıtet ashyqtyq pen aıqyndyqty qamtamasyz etý maqsatynda qo­ǵamdyq baqylaý komıssııalary, ult­tyq aldyn alý tetigi jáne úki­mettik emes uıymdarmen ynty­maqtastyqty jalǵastyra beredi. Bul uıymdar qamaýda otyrǵan azamattardy ustaý quqyqtary men sharttarynyń saqtalýyna táýelsiz monıtorıng júrgizedi. «Qasiret­ti qańtar» oqıǵalarynan keıin tá­ýelsiz sarapshylar 13 ter­geý ızolıa­torynda 60-tan astam ret bolǵan. Ol sondaı-aq Adam quqyqtary jó­nindegi ýákil Elvıra Ázi­mova, «Adam qu­qyq­tary úshin har­tııa» qo­ǵam­dyq qorynyń basshysy Je­mis Tur­ma­ǵambetova bastaǵan ko­mıs­sııa­nyń birqa­tar qoǵamdyq qu­qyq qor­ǵaýshy jáne advokattar­men bir­ge ter­geýdegilerdi ustaý jaǵ­daı­laryn teksergenin aıt­ty. Ar­naıy ko­mıssııa elimiz­diń 6 óńi­rin­de bo­lyp, 100-den astam qamaý­ǵa alyn­ǵandardy qabyl­daǵan.

Búgingi tańda tergeý ızolıatorlarynda 728 adam qamaýda otyr. Komıtet tóraǵasynyń aıtýynsha, olardyń barlyǵy aýyr jáne asa aýyr qylmystar boıynsha kú­dik­ti. «Taǵylǵan aıyptarǵa sot quqyqtyq baǵa beredi. Naqty she­shim shyǵarý kezinde beınejaz­ba­lar, kýálardyń aıǵaqtary jáne bas­qa da materıaldardy qosa al­ǵan­da usynylǵan dáleldemeler ne­gizge alynatyn bolady», dedi ol. Qamaýǵa tek aýyr jáne asa aýyr qyl­­mys jasaǵany úshin aıyptalǵan adamdardyń alynǵanyn atap ótken general 270 kúdiktiniń bas sharasy ózgertilip, úıqamaqqa alynǵany, eshqaıda ketpeý týraly qolhatpen bosatylǵanyn málimdedi. Ol son­daı-aq bul ná­tıjege tergeý organ­dary men prokýratýranyń qyl­mystyq ister jónindegi materıal­dardy muqııat tekserýiniń arqa­syn­da qol jetkizgenderin aıtty.

Qoǵamdy qatty tolǵandyryp otyr­ǵan máseleniń biri – jaraqat alǵan­dardyń tıisti medısınalyq kómek alýyna qatysty. Osy­ǵan oraı J.Eshmaǵambetov qaı­ǵyly qań­tar oqıǵalaryna baı­lanys­ty tergeý ızolıatoryna dene ja­ra­­qatymen 267 adamnyń jet­kizilgenin, onyń ishinde 33-niń qalalyq aýrýhanalarda stasıo­narlyq emdeýden ótkenin habarlady. «Ja­raqat alǵandardyń bar­­lyǵy meke­melerdiń medısına­lyq bólim­derinde emdeldi, sony­men birge olardy azamattyq dári­ger­ler únemi tekserip otyrady», dedi Gene­raldyń málimdeýinshe, qa­zirgi tańda tek bir adam ǵana Ta­razdaǵy aýrýhanada jatyr. Al 30 aıyptalýshy KAJ meke­meleriniń medısınalyq bólim­derinde ambýlatorııalyq em alyp jatyr. Komıtet tór­aǵasy sonymen qatar tergeý is-sha­ra­larynyń beınebaqylaý ka­me­ralary ornatylǵan, arna­ıy jabdyqtalǵan mekemelerde júr­giziletinin, ızolıatorda otyr­ǵandardyń ózderinen kelip túsken bar­lyq aryz-shaǵymdardy IIM-niń ózindik qaýipsizdik qyzmetteri tirkep, tekseretinin de túsindirdi. «Ter­geýdiń zańdylyǵyn prokýra­týra organdary qadaǵalaıdy. Al advokattar men qoǵamdyq qor­ǵaýshylar aqparat suraýǵa quqyly. Olardyń klıentterimen kezdesýge eshqandaı shekteý joq. Tergeý ızo­lıatorynda otyr­ǵandardyń bar­lyǵy sot she­shimimen qamaýǵa alyn­ǵanyn taǵy bir ret atap ótkim keledi», dedi J.Eshmaǵambetov.