Elordadaǵy Ulttyq tennıs ortalyǵynda aqpannyń 21-27-ci aralyǵynda ITF World Tennis Tour Forte 60 Women’s halyqaralyq týrnıri uıymdastyrylady.
Oǵan álemdik reıtıngtiń 100 jáne 200 oryn aralyǵynda turǵan tennısshileri qatysady. Atap aıtqanda, olardyń ishinde belgııalyq Gret Mınnen (96 WTA), «Úlken dýlyǵa» sanatyndaǵy juptyq básekedegi tórt týrnırdiń júldegeri majarstandyq Tımeı Babosh (202 WTA), brıtanııalyq Harrıet Dart (132 WTA), japonııalyq Mııa Hontama (138 WTA), ýkraınalyq Darııa Snıgýr (141 WTA), ıspanııalyq Alena Bolshova (151 WTA), grýzııalyq Marıam Bolkvadze (177 WTA) jáne taǵy basqa birneshe tennısshi bar.
Bul synda el namysyn Jibek Qulambaeva, Gozal Aınıtdınova, Arýjan Saǵyndyqova, Dana Baıdáýlet, Ekaterına Dmıtırıchenko jáne ózge de sportshylarymyz qorǵaıdy. ITF World Tennis Tour áıelder týrnırine bes sanattaǵy jarystar kiredi. Týrnırlerdiń jalpy júlde qory – 15 000, 25 000, 60 000, 80 000 jáne 100 000 AQSh dollaryn quraıdy. Nur-Sultandaǵy týrnır úshinshi sanatta ótedi. Byltyr jazda astanada ótken osyndaı deńgeıdegi týrnırde Grýzııa ókili Marıam Bolkvadze jeńiske jetken edi.