Fýtbol jankúıerleri eki aıdan beri taǵatsyzdana kútken Chempıondar lıgasynyń tarıhı kezeńi bastaldy. Sebebi bıylǵy pleı-off satysynan bastap atalǵan týrnırde syrt alańda soǵylǵan goldyń mańyzdylyǵy joıylǵan bolatyn.
1/8 fınaldyń ortalyq oıynynda Madrıdtiń «Realy» men Parıjdiń PSJ klýbtary kezdesip, match fransııalyq komandanyń jeńisimen aıaqtaldy – 1:0. Alań ıeleriniń basymdyǵymen ótken oıynnyń (soqqylar: 22-3) 90+4-mınýtynda Mbappe jeńis golyn soqty. Kezdesýdiń 61-mınýtynda Messıdiń penaltıden tepken dobyn «Real» qaqpashysy Kýrtýa qaıtara bildi.
Al Portýgalııaǵa sapar shekken Anglııanyń «Manchester Sıtı» ujymy «Sportıng» qaqpasyna jaýapsyz bes gol soǵyp, shırek fınaldyń taǵdyryn aldyn ala sheship qoıdy desek te bolady. «Sıtı» sapynan Sılva dýbldiń avtory atansa, Mahrez, Foden jáne Sterlıng bir márteden kózge tústi. Qarymta kezdesýler 9 naýryzǵa josparlanǵan.