Almatyda Qarjy monıtorıngi agenttiginiń qyzmetkerleri Atyraý munaı óńdeý zaýytynyń burynǵy bas dırektory Shýhrat Danbaıdy ustady. Bul týraly «Aq Jaıyq» basylymy málim etti, dep habarlaıdy Egemen.kz.
Basylym málimetinshe, ol asa iri kólemde qarjy jymqyrdy degen kúdikke ilingen. Tergeýdi Atyraý oblysy boıynsha Ekonomıkalyq tergeý departamenti júrgizip jatyr. Vedomstvo ókilderi jýrnalısterge «ázirshe eshteńe aıta almaımyz» dep jaýap bergen.
Shýhrat Danbaı 2019 jyldyń aqpanynan 2021 jyldyń shildesine deıin Atyraý munaı óńdeý zaýytyn basqarǵan.
Qazir ol Atyraýdaǵy ýaqytsha ustaý ızolıatoryna ornalastyrý úshin saraptamadan ótip jatyr.