Jartylaı aýyr salmaq dárejesindegi álemniń burynǵy chempıony Sergeı Kovalevtiń menedjeri Egıs Klımas boksshynyń birinshi aýyr salmaqqa aýysýy yqtımal ekenin aıtty, dep habarlaıdy Egemen.kz.
«Jartylaı aýyr salmaq dárejesine baq synaý Sergeıge qaı kezde de qıyndyq týdyryp keldi. Jartylaı aýyr salmaqtyń lımıtine saı bolý úshin ol óte kóp kúsh joǵaltatyn. Tipti keı kezderde salmaq ólsheıtin kúni monshaǵa baryp, salmaq qýalaıtyn. Bar kúshin sarqa jumsaıtyn. Sonyń saldarynan 24 saǵat ishinde qalpyna kelip úlgermeıtin. Kúshin joǵaltyp alǵanyna baılanysty 7-8 raýnd bederinde sharshap qalatyn. Ony jankúıerler de jaqsy biledi. Qazir onyń salmaǵy 91 kılogrammǵa jetti. Sondyqtan ol birinshi aýyr salmaqta qolǵap túıistirgendi jón sanaıdy. Qysqasy ol jańa salmaqta álem chempıony atanyp kásibı mansabyn aıaqtaǵysy keledi», deıdi menedjer.