Eldegi kadr máselesi óte kúrdeli ári asa mańyzdy. Bul týraly Memleket basshysy Qazaqstan telearnasyna bergen suhbatynda aıtty, dep jazady Egemen.kz.
– Rasynda, kóp nárse bilikti kadrlarǵa baılanysty. Meniń bastamam boıynsha Prezıdenttik jastar kadr rezervi quryldy. Kadrlyq rezervke ótken azamattar birtindep jaýapty qyzmetke taǵaıyndalyp jatyr. Árıne, munymen shektelýge bolmaıdy. Basqa da adamdarǵa jol ashýymyz kerek, – dedi Prezıdent.
Sondaı-aq memlekettik qyzmetshilerge qoıylatyn talap óte joǵary bolý keretigin eskertti.
– Kez kelgen adam birden mınıstr nemese ákim bola salmaıdy. Ol anyq nárse. Biraz ýaqyt, mol tájirıbe kerek. Ondaı laýazymǵa bilimdi, bilikti, qyzmetine adal azamattardy taǵaıyndaǵan jón. Burynǵy mamandardyń bárin jumystan shyǵarý durys bolmas edi. Oryssha «polıtıcheskaıa chıstka», ıaǵnı «saıası tazalaýǵa» barýdyń qajeti joq. Memlekettik basqarý salasyna birte-birte jańa mamandar keledi. Kelip te jatyr. Bul – qalypty úderis. Biraq, bir nárseni este ustaǵan jón. Memlekettik qyzmet – eksperıment alańy emes! Sondyqtan bul jumysty birte-birte júrgizemiz, – dedi Memleket basshysy.