Chempıondar lıgasynyń ekinshi kúnine josparlanǵan taǵy eki oıynnyń birinshi kezdesýleri aıaqtaldy. Sársenbi kúni «Lıverpýl» – «Inter» jáne «Red Býll Zalsbýrg» – «Bavarııa» klýbtary jasyl alańda jolyqty.
Italııadaǵy «Djýzeppe Meassa» stadıonyndaǵy tartysty básekede «Inter» aǵylshyndyq komandadan 0:2 esebimen jeńilip qaldy. «Lıverpýl» sapynan 75-mınýtta Roberto Fırmıno esep ashsa, araǵa toǵyz mınýt salyp, Mohammed Salah tablodaǵy kórsetkishti 2:0-ge jetkizdi. Osy esep match sońyna deıin saqtalyp qaldy.
Ekinshi kezdesýde Aýstrııanyń «Red Býll Zalsbýrg» ujymy óz alańynda Germanııanyń «Bavarııasyn» qabyldap, 1:1 esebimen teń tústi. Oıynnyń esebin 21-mınýtta alań ıeleri ashty. Gol avtory – Chıkvýbýıke Adamý. Al qonaqtar sapynan 90-mınýtta Kıngslı Koman mergendigimen kózge túsip, komandasyn jeńilisten qutqaryp qaldy.