Kelesi oqý jylynan bastap IT mamandyqtaryn ıgerýge nıettengen talapkerler UBT-da fızıka emes, ınformatıka pánin tapsyratyn bolady. Bul týraly QR BǴM habarlady, dep jazady Egemen.kz.
Bilim jáne ǵylym mınıstrliginde atap ótilgendeı, IT-baǵyttary boıynsha JOO-da oqyǵysy keletin talapkerler úshin UBT tapsyrý kezinde beıindi pánder tizbesine «Informatıka» pánin engizý týraly kóptegen ótinishter kelip túsýde.
«Osyǵan baılanysty Mınıstrlik taldaý júrgizip, 2022-2023 oqý jylynan bastap «Informatıka muǵalimderin daıarlaý», «Aqparattyq tehnologııalar» jáne «Aqparattyq qaýipsizdik» bilim berý baǵdarlamalary toptaryna túsetin oqýshylar UBT-da matematıka men fızıkanyń ornyna matematıka men ınformatıka kombınasııasyn tapsyrady dep sheshim qabyldady», delingen vedomstvo habarlamasynda.
Bıylǵy oqý jylynda beıindik pán «Fızıka» bolyp qala beredi, bul rette talapkerlerdiń tańdaýy boıynsha naýryz aıynda ótetin UBT kezinde daıyndyqtyń osy baǵyttaryna túsý úshin «Matematıka+Informatıka» kombınasııasyn tańdaý opsııasy qosymsha qoljetimdi bolady.