Atyraýda zańsyz qarý tasymaldaýmen aınalysqan, 9 adamnan quralǵan qylmystyq top ustaldy, dep jazady Egemen.kz Oblystyq polısııa basqarmasynyń baspasóz qyzmetine silteme jasap.
Olar túrli atys qarýyn zańsyz saqtaý jáne tasymaldaýmen aınalysqan.
Qylmystyq top quramynda 23-27 jas aralyǵyndaǵy Atyraý qalasynyń turǵyndary bary anyqtaldy. Tekserý kezinde 26 jastaǵy kúdiktiden serııa nómiri óshirilgen tapansha, al 25 jastaǵy kúdiktiden travmatıkalyq tapansha tabylyp, tárkilendi.
Sondaı-aq, Atyraýdaǵy Sátpaev kóshesinde ornalasqan úılerdiń birinde ornalasqan qoımadan úsh atys qarýy men eki sholaq myltyq pen oq-dáriler tárkilendi.
Kúdiktilerdiń ekeýi buryn qarýmen jasalǵan buzaqylyq deregimen isti bolǵany anyqtaldy. Qazir ustalǵandarǵa qatysty QR Qylmystyq kodeksiniń 287-babynyń 1-bóligimen sotqa deıingi tergeý bastaldy.
О́zge aqparat QR Qylmystyq-prosestik kodeksiniń 201-babyna sáıkes jarııalaýǵa jatpaıdy.