Elordalyq halyqty jumyspen qamtý ortalyǵy dırektorynyń orynbasary Talǵat Esimov ákimdikte ótken brıfıngte qalada qansha adam resmı túrde jumys izdep júrgenin aıtty, dep habarlaıdy Egemen.kz.
Talǵat Esimov Ulttyq statıstıka bıýrosynyń derekterine sáıkes, 2021 jyldyń IV toqsanynyń qorytyndysy boıynsha elordada jumyssyzdyq deńgeıi 4,6%-dy quraıtynyn, bul respýblıkalyq mánnen 0,3%-ǵa (QR boıynsha-4,9%) tómen ekenin habarlady.
«Elordada jumyssyzdar sany 28 226 adamdy quraıdy, onyń ishinde 6203 adam 15-28 jas aralyǵyndaǵy jastar», dep naqtylady ol.
2021 jyldyń qorytyndysy boıynsha halyqty jumyspen qamtý ortalyǵyna eńbek deldaldyǵy úshin 18 924 adam júgindi, «Eńbek» memlekettik baǵdarlamasy sheńberinde jumyspen qamtýǵa járdemdesý sharalarymen 23 240 adam qamtyldy.