Dúısenbi kúni eldiń soltústik-batysyndaǵy Tebrız qalasynyń aýmaǵynda Irannyń áskerı-áýe kúshteriniń ushaǵy qulady, dep habarlaıdy Egemen.kz IRNA agenttigine silteme jasap.
Shyǵys Ázerbaıjan provınsııasynyń Daǵdarystyq jaǵdaılary basqarý basqarmasynyń basshysy Mýhammad Bager Honarbar ushaqtyń avtokólik pen mektep ǵımaratynyń qabyrǵasyna soǵylǵanyn málimdedi.
Oqıǵa kezinde mektepke oqýshylar bolmaǵan. F-5 joıǵysh ushaǵy jabyq turǵan mektep pen sport zaldyń janyna qulaǵan. Apat saldarynan eki ushqysh pen avtokólik ishinde bolǵan azamat mert boldy. Ushaq Tebrızdegi Shahıd Fakýrı bazasynan ushqan.
Shahıda Fakýrı áýe bazasynyń komandıri, general Reza Iýsefıdiń aıtýynsha, ushqysh ushaqty adam joq jerge qaraı buryp, úlken tragedııanyń aldyn alǵan.
«Bizdiń ushqyshtar ushaqtyń baǵytyn adam joq jerge qaraı burdy. Ushaq óziniń tıisti ornyna qulaǵanda, olar ózderin aman alyp qala alar edi», dep qosty ol.
Joıǵysh ushaq jattyǵý mıssııasy kezinde joǵalyp ketken, tehnıkalyq aqaýlar saldarynan ushqysh ony qondyra almaǵan.
Qazirgi kezde apat ornyna qutqarýshylar jiberildi, tergeý júrip jatyr.