Almaty qalasy men Almaty oblysynyń aýmaqtyq shekaralary ózgergen kezde «muraǵa» qalǵan máseleler jetkilikti. «Shetsiz qala» baǵdarlamasyn iske asyrý aıasynda osy túıtkilderdi sheshý úshin ınjenerlik jelilerdiń eki jobasy (elektrmen jabdyqtaý jáne sýdan burýmen sýmen jabdyqtaý) ázirlendi. Qurylys-montaj jumystary 2022 jyldyń ekinshi toqsanyna josparlanǵan.
Jetisý aýdanyna qarasty Kemel shaǵyn aýdanynyń turǵyndaryna yńǵaıly bolýy úshin otbasylyq-dárigerlik ambýlatorııa salyndy. О́ıtkeni jaqyn mańdaǵy emhana 4 shaqyrym jerde ornalasqan. Jańa medısınalyq mekeme alǵashqy naýqastaryn bıyl kúzde qabyldaı bastaıdy. Sondaı-aq shaǵyn aýdan turǵyndary únemi aýyz sý tapshylyǵyna tap kelip júr. Sýmen jabdyqtaýdy elektr sorǵylary qamtamasyz etedi, elektr qýaty ajyratylǵan kezde halyqta sý bolmaı qalady. Turǵyndardyń bir mezgil serýendep, demalýyna jaıly jaǵdaı jasaý maqsatynda 10 myń adamdy qamtıtyn demalys jáne belsendi demalys aımaqtaryn abattandyrý jónindegi joba qarastyrylýda. Kemel shaǵyn aýdanynda jaǵalaý aımaǵyn salý jobasy 2020 jyly ázirlendi. Nysannyń qurylysy úshin respýblıkalyq bıýdjetten 789,8 mln teńge somasynda qarjylandyrý suraldy.
Qala ákimi Erbolat Dosaev atalǵan aýdandaǵy qart adamdar ıogamen, horeografııamen, aıkýnemen, skandınavııalyq eńbek terapııasymen aınalysatyn, aı saıyn 70-80 adam baratyn aǵylshyn jáne qazaq tilderin oqytatyn Mádenıet úıiniń jumysymen de tanysty. Sondaı-aq turǵyndarmen kezdesip, olardyń ótinishteri men usynystaryn tyńdady. О́zekti máseleler qatarynda qoǵamdyq kólik aıaldamalaryn uıymdastyrý, avtobýs baǵyttaryn ózgertý syndy máseleler kóterildi. Kezdesý qorytyndysynda qala basshysy qalalyq mobıldilik basqarmasyna qoǵamdyq kólik qozǵalysyna saraptama júrgizip, turǵyndardyń máselelerin qaraý úshin tıisti sharalar qabyldaýdy tapsyrdy.
Máselen, Dýlyǵa kóshesindegi apatty jaǵdaıdaǵy úılerdiń máselesi tıisti sharalar qabyldaý maqsatynda baqylaýǵa alyndy. Jaqyn arada Kemel men Kókjıek shaǵyn aýdanynyń balalary Jaısań kóshesinde ornalasqan deneshynyqtyrý-saýyqtyrý kesheniniń seksııalaryna tegin bara alady. Onyń qurylysyn osy jyldyń 1 toqsanynyń sońyna deıin aıaqtaý josparlanyp otyr.
Kókjıek shaǵyn aýdanynda jańa qaraǵaı ormanynyń aýmaǵy bar. «Taza Qazaqstan» ekologııalyq jobasyn iske asyrý aıasynda 3,1 gektar jerge 1 500-den astam qaraǵaı men 11 myńnan astam japyraqty aǵash otyrǵyzyldy. 65 metr tereńdikte sorǵyny ornatý boıynsha jumystar júrgizildi, 25 tekshe metr sýǵa qatysty 2 rezervýar ornatyldy. Qazirgi kezde aǵash kóshetterin tamshylatyp sýarý tetikterin ornatý jumystary júrgizilýde. Bıyl sýarý maýsymyna baılanysty Jasyl ekonomıka basqarmasy jumystardy aıaqtaýy tıis.
Kókjıek shaǵyn aýdanyndaǵy №177 mektep qosymsha qurylys salý esebinen 600 orynǵa keńeıtildi. Bul oryn tapshylyǵy máselesin sheshýge ıgi yqpal etti.
Jumysshy kentiniń turǵyndary medısınalyq qyzmetterge qoljetimdilik máselelerine qatysty muń-muqtajyn jekizdi. Olar basqa aýdandardyń emhanalaryna barýǵa májbúr. E.Dosaev aýdan ákimine jańa emhana salý úshin qolaıly jer ýchaskesin izdeý jóninde sharalar qabyldaýdy tapsyrdy.
Jumys saparynyń sońynda qala ákimi «2021-2025 jyldarǵa arnalǵan turǵyn úı qoryn jańartý baǵdarlamasy» aıasynda Krylov, Skrıabın, Goncharov kósheleri men Raıymbek dańǵylynyń sheńberinde salynyp jatqan úılerdiń qurylysymen tanysty. Qazirgi kezde qurylys-montaj jumystary júrgizilip, 30 eski eki qabatty úıdi súrý júzege asyrylýda. Olardyń ornynda 2024 jylǵa deıin 24 kóppáterli úı salynady. Buzylǵan 11 úıdiń ornynda 9 úı bıyl tapsyrylady.
ALMATY