Italııalyq «Iýventýs» fýtbol klýbynyń oıynshysy Paýlo Dıbala ıspanııalyq «Barselona» fýtbol klýbyna aýysýy múmkin, dep habarlaıdy Egemen.kz.
Sońǵy derekterge sensek, argentınalyq fýtbolshynyń ózi «Barselona» jeıdesin kııýge qyzyǵýshylyq tanytyp otyrǵan kórinedi. Sondaı-aq katalonııalyq ujymnyń ókilderi fýtbolshynyń agentimen baılanys ornatyp úlgergen. Týrındik «Iýventýs» komandasynyń basshylyǵy Dıbalaǵa jalaqysy tómendeý kelisimshart usynǵannan keıin-aq fýtbolshy komanda aýystyrý máselesin qarastyra bastaǵan bolatyn. Qysqasy Paýlo Dıbala jańa maýsymda «Iýventýs» sapynda qalmaıtyn sekildi.