Atyraýda qańtar aıynda jappaı tártipsizdik kezinde myńnan astam arnaıy qural urlanǵan. Bul týraly onlaın-brıfıngte Atyraý oblysy prokýrorynyń orynbasary Abzal Gılım málimdedi, dep habarlaıdy Egemen.kz Atyraý oblysynyń О́ńirlik kommýnıkasııalar qyzmetine silteme jasap.
«Oblystyq ákimdik ǵımaratyn kúshtep basyp alǵan kezde tártipsizdikke qatysqan polısııa qyzmetkerlerinen toǵyz dana atys qarýy tárkilendi. Búgingi tańda olardyń tek tórteýi tabyldy. Sondaı-aq tártipsizdikke qatysýshylar myńnan astam qalqandardy jáne basqa da arnaıy quraldardy zańsyz ıemdendi. Búgingi tańda 52 adam tabyldy, qalǵandaryn izdeý jalǵasýda. Sondyqtan turǵyndardy urlanǵan qarýdy polısııaǵa tapsyrýǵa shaqyramyn. Qarýdy óz erkimen tapsyrǵan azamattar zań boıynsha qýdalanbaıdy», dedi Abzal Gılım.