Qas qaǵymda bolyp jatatyn keı sətterdiń adam ómiriniń jarqyn esteligine aınalatyny bar. О́ıtkeni qazirgideı qatygez, ərkim óz kórpesin tek ózine qaraı tartatyn tar zamanda kóńilińe shýaq nuryn quıatyn osyndaı ońdy oqıǵalardyń tym sıreksip bara jatqany da jasyryn emes.
Məsele túsinikti bolý úshin eki aptadaı ýaqytqa sheginis jasaıyn. Oral qalasynyń mədenıet jəne tilderdi damytý bóliminiń «Mədenı-aǵartý birlestigi» men qalalyq sport bóliminiń uıymdastyrýymen 4-5-6 aqpan kúnderi Oral qalasynyń komıýnıtı ortalyqtary men aýla klýbtary tərbıelenýshileri arasynda «Sport juldyzdary» atty qysqy spartakıada ótken edi. Sol qysqy spartakıadanyń marapattaý saltanatynda mynadaı jan tebirenterlik oqıǵanyń kýəsi boldyq. Jarysqa aparǵan on bir balanyń kóbi óz marapattaryn alyp jatyr edi, kenet júldege qoly jetpegen Hamzanyń kózine jas alyp turǵanyn kórip, birtúrli bolyp qaldyq. Sol sətte jabyrqap turǵan dos-baýyryn kórgen Bekzat moınyndaǵy medalin sheshti de, Hamzanyń moınyna taǵyp jiberdi. Osy arada balalar túgili úlkenderdiń ózi abdyrap qaldy. Sebebi bul eshkim kútpegen tosyn jaǵdaı edi...
Ataq pen marapattan dosynyń kóńilin qymbat sanaǵan Bekzattyń əreketi abyroı men ataq-dańq jolynda janyn satqan keı úlkenderge de úlgi dep oılaımyn. Bekzattaı bekzat minez ul tərbıelep otyrǵan ata-anasyna da myń alǵys! Osyndaı ǵajap sətterdiń kýəgeri qylǵanyń úshin saǵan da rahmet, «Mədenı-aǵartý birlestigi»! degimiz keledi.
Orynbek MEŃDIQUL,
qala turǵyny
Batys Qazaqstan oblysy