Belgisiz tulǵalar ózderin Qazaqstan Respýblıkasy Eńbek jáne halyqty áleýmettik qorǵaý mınıstrliginiń qyzmetkerleri retinde tanystyryp, azamattarǵa telefon soǵyp, 500 myń teńgeden astam aqshalaı tólem túrinde áleýmettik kómek kórsetýge ýáde beredi. Bul aqparat shyndyqqa janaspaıdy.
Materıaldyq kómek kórsetý maqsatynda belgisiz bireýler shottardaǵy tyıym salýdy alyp tastaýdy jáne qaryzdy jabýdy suraıdy (barlyq jaǵdaıda nesıeni ýaqtyly qaıtarmaý jáne bankterge bereshekti tólemeý saldarynan esepshottarǵa tyıym salynǵan).
Azamat ýáde etilgen materıaldyq kómekti alý úshin shotynan tyıym salýdy alyp tastaǵannan keıin belgisiz bireýler tehnıkalyq aqaýlarǵa jáne kómek kórsetýdiń múmkin emestigine silteme jasaıdy.
Atalǵan vedomstvo qyzmetkerleri azamattarǵa qońyraý shalýdy júzege asyrmaıtynyn, barlyq memlekettik áleýmettik tólemder azamattardyń ótinishteri negizinde nemese proaktıvti formatta júrgiziletinin habarlaıdy.
«Azamattardan feıkterge nazar aýdarmaýdy jáne aqparatty tek resmı derekkózderden paıdalanýdy suraımyz. Esterińizge sala keteıik: jalǵan aqparat taratý zań boıynsha jazalanady. Eger siz alaıaqtarǵa aldanyp qalsańyz, dereý polısııaǵa habarlasyńyz» delingen mınıstrliktiń habarlamasynda.