Sarybaı-Sokolov óndiristik birlestigi Rýdnyıda iske asyrylyp jatqan qoǵamdyq kólikterdiń qyzmetin dotasııalaý jónindegi joba aıasynda qala turǵyndarynyń jolaqysyn arzandatýǵa 180 mln teńge bólip otyr.
Qanatqaqty joba bastalǵan 3 aı kóleminde eń úzdik qyzmet kórsetken qoǵamdyq kólik-
terge 23 mln teńgeden astam
qarjy syıaqy retinde bólingen.
Bul – turǵyndar qala ishindegi avtobýstardyń qyzmet kórsetý sapasyna qatysty kóptegen shaǵym túsire bastaǵan soń qolǵa alynyp otyrǵan ıgi bastama.
– Basty maqsatymyz tasymal-
daýshyǵa da, jolaýshyǵa da qolaıly jaǵdaı týǵyzý bolyp tabylady. Joba boıynsha óz jumysyna jaýapkershilikpen qarap, tııanaqty qyzmet kórsetken tasymaldaýshyǵa arnaıy syıaqy tólenedi. Avtobýstardyń qyzmet kórsetý sapasyn «SSKО́B» AQ men «TransKom» JShS ókilderi qadaǵalap otyrady. Qazir qala ishinde 8 baǵyt boıynsha júretin avtobýstardyń tazalyǵy, syrtqy tartymdylyǵy, salon ishiniń jyly bolýy, sondaı-aq qozǵalys kestesiniń saqtalýy GPS arqyly baqylaýǵa alyndy, – deıdi birlestiktiń baspasóz hatshysy Natalıa Kýznesova.
О́tken jyldyń qazan aıynda bastalǵan jobaǵa taıaýda taǵy 32 avtobýs qosylady. ERG kompanııasy ókilderiniń aıtýynsha, atalǵan bastama qala turǵyndarynyń áleýmettik ál-aýqatyn arttyrýǵa baǵyttalǵan.
Qostanaı oblysy