Ýkraına Reseımen dıplomatııalyq qatynasty buzdy. Bul týraly beısenbide ótken brıfıngte Ýkraına Prezıdenti Vladımır Zelenskıı málimdedi, dep habarlaıdy Egemen.kz TASS agenttigine silteme jasap.
Zelenskıı Ýkraına syrtqy ister mınıstrliginen Reseımen dıplomatııalyq qarym-qatynasty tolyqtaı úzý týraly ótinish alǵanyn jetkizdi.
Reseı Prezıdenti Vladımır Pýtın beısenbi kúni tańerteń teledıdar arqyly sóılegen sózinde Donbassta arnaıy áskerı operasııa júrgizý týraly sheshim qabyldaǵanyn aıtty. Dese de, Reseı Prezıdenti Máskeý Ýkraına aýmaǵyn okkýpasııalaý maqsatyn kózdemeıtinin aıtty.
Reseı Federasııasynyń Qorǵanys mınıstrligi de reseılik áskerıler Ýkraına qalalaryna soqqy jasamaıtynyn, áskerı ınfraqurylym joǵary dáldiktegi quraldarmen shyǵarylatynyn habarlady.
«Beıbit turǵyndarǵa eshqandaı qaýip tónbeıdi», dep sendirdi vedomstvo.