Sıfrly qujattardy paıdalanýǵa bolady

«Qazposhta» AQ klıentteri elimizdegi barlyq bólimshelerde sálemdemelerdi qabyldaý jáne jóneltý kezinde sıfr­ly jeke kýálikterdi paıdalana alady. Joba Qazposhtanyń poshta qyzmetteri úshin qanatqaqty rejimde iske qosyldy.

Jańa qyzmetti paıdalaný úshin eGov mobile mobıldik qosymshasynda avtorızasııadan ótý; «Qyzmetter» bólimindegi «Sıfrly qujattardy tańdaý»; Qajet qujatty tańdaý; Qujatqa «Qol jetkizýdi ashý» túımesin basý; «Qazposhta» AQ operatoryna alty tańbaly qysqa kodty habarlaý qajet.

Operatorlar ózderiniń derekter bazasyna biregeı qysqa kodty jáne júıe klıenttiń jeke basyn kýálandyratyn qujatty avtomatty túrde júkteıdi. Klıentti sáıkestendirýdiń bul mehanızmi joǵary qaýipsizdikti qamtamasyz ete­di jáne úshinshi taraptardan túsken alaıaqtyqtyń aldyn alady.

«Sıfrly qujattar» servısi azamat­tar arasynda úlken suranysqa ıe. Búgingi tańda paıdalanýshylar sany 6,4 mln adamdy quraıdy. Bul san kún saıyn ósip keledi jáne biz bul qyzmetti ómirdiń barlyq salasyna engizýge tyrysamyz. Endi Qazposhta klıentteriniń de osy yń­ǵaıly servısti paıdalaný múmkindigi bar. Sıfrly transformasııa azamattar úshin de, bıznes úshin de kóptegen bıznes-prosesterdi jaqsartyp, jeńildetkenine qýanyshtymyz», dep atap ótti «Ulttyq aqparattyq tehnologıalar» AQ basqarma tóraǵasy Rostıslav Konıashkın.

Sıfrly qujattardy paıdalaný Sıfrlyq damý, ınnovasııalar jáne aeroǵarysh ónerkásibi mınıstrliginiń, «Ulttyq aqparattyq tehnologııalar» AQ men «Qazposhta» AQ aqparattyq júıelerin ıntegrasııalaýdyń nátıje­sinde múmkin boldy.

«Servıs nátıjesinde Qazposhta klıentteriniń bólimshelerinde jeke derekterdi rastaý úshin eGov mobile qo­symshasy arqyly jeke basyn kýálan­dy­ratyn sıfrly qujatty kórse­tý múm­kindigi paıda bolady. Bul biz­diń klıentterimizge sálemdemelerdi qa­byl­daýdy jáne berýdi aıtarlyqtaı je­ńildetedi. О́ıtkeni kóbinese barlyq klıent­ter bólimshege jeke kýáliktiń túp­nusqasymen kelmeıdi, al smartfon ár­qashan «qol astynda» bolady. Sonymen qatar sıfrly qujattardy paıdalaný múmkindigin engizýmen Qazposhtaǵa jeke kýálikterdiń kóshirmelerin alý­dyń jáne saqtaýdyń qajeti joq. Bul qaǵaz materıaldarynyń shyǵynyn aıtarlyqtaı ońtaılandyrady», dedi «Qaz­poshta» AQ basqarma tóraǵasy Serik Saýdabaev.

Atap ótken jón, qazirgi ýaqytta eGov mobile mobıldik qosymshasyndaǵy «Sıfrly qujattar» servısi 18 qujat­tan turady, olardyń ishindegi eń tanymaldary: jeke kýálik, júrgizýshi kýá­li­gi, vaksınasııa pasporty, PTR test jáne týý týraly kýálik. Búgingi tańda sıfrly qujattardy elimizdiń barlyq áýejaılarynda, «QTJ» AQ temirjol vokzaldarynda vagondarǵa otyrǵyzý kezinde, «Otbasy bank» AQ, Beeline bólimshelerinde, sondaı-aq EDB men notarıýstardan qyzmet alý kezinde paıdalanýǵa bolady.

Aıta ketelik, sıfrly qujat – sıf­rly qujattar servısi qalyptasty­ra­tyn, memlekettik jáne ózge de kórsetile­tin qyzmetterdi elektrondy nysanda alý úshin, sondaı-aq jeke jáne zańdy tulǵa­larmen ózara is-qımyl jasaý kezin­de qajetti elektrondy qujat. «Sıfr­ly qujattar» servısi jeke basty kýá­lan­dyratyn qujat túpnusqasynyń elek­trondy nusqasyn tikeleı paıdalanýdy kózdeıdi. Bul azamattarǵa basqa memle­kettik organdar men uıymdarǵa qandaı da bir qyzmetter kórsetý úshin (mysaly, áýe jáne t/j bıletterin satyp alý kezinde jáne t.b.) elektrondy qujatty usynýǵa múmkindik beredi, dep habarlady «Ulttyq aqparattyq tehnologııalar» AQ Qoǵammen baılanys basqarmasy.