«Soltústik aǵyn-2» – Batys sanksııalarynyń alǵashqy nysandarynyń biri. Germanııa Máskeýdiń Ýkraınaǵa qatysty áreketinen keıin jobany sertıfıkattaýdy toqtatatynyn málimdedi. Eýropanyń birqatar eli jaqynda ǵana AQSh áreketterine qarsy syn aıtqan-dy.
Sársenbiniń keshinde Aq úı de sanksııa jarııalaıtynyn habarlady. Alaıda Vashıngton ol sharalarǵa ne kiretinin áli naqtylaǵan joq. AQSh Memlekettik departamentiniń ókili Ned Praıs «Bizdiń germanııalyq odaqtastarymyz Reseı Federasııasyna qarsy «Soltústik aǵyn-2» qubyryn belgisiz merzimge toqtatýǵa qatysty batyl sheshim qabyldady. Prezıdent Baıden basqarýshy kompanııaǵa jáne onyń laýazymdy tulǵalaryna qarsy sanksııalardy maquldady», dedi.
«Soltústik aǵynǵa» parallel júretin qubyr ótken jyldyń kúzinde tolyǵymen aıaqtaldy. Biraq bul is synǵa alyndy. Joba AQSh sanksııalaryna baılanysty eýropalyq kompanııalardyń jobadan únemi ketip otyrǵanyna qaramastan tapsyryldy. Júıeniń jobalyq qýattylyǵy jylyna 55 mlrd tekshe metrdi quraıdy. Endi eýropalyq sanksııalardyń jańa paketi qubyrǵa da áser etýi múmkin degen boljam bar.
Aldaǵy bir-eki kúnde Eýropa odaǵynyń basshylary tótenshe sammıtte jaǵdaıdy talqylaýy kerek. Seısenbide Eýropa odaǵy reseılik birqatar sheneýnik pen bank uıymdaryna qarsy sanksııalar engizetini týraly jarııalaǵanyn esterińizge sala keteıik.