Nıgerdiń batysynda avtokólikke shabýyl jasalyp, saldarynan 18 beıbit turǵyn qaza tapty.
Seısenbi kúngi málimdemede ishki ister mınıstri Alkassým Indatý Malı shekarasyna jaqyn ornalasqan Tıllaberı aýdanynda belgisiz qarýly top kólikke shabýyl jasaǵanyn habarlady. Onyń aıtýynsha, Fonı Ganda aýylynyń 13 turǵyny men Tızegorý aýylynyń 5 adamy qaza tapqan.
Úkimet ókiliniń habarlaýynsha, 2021 jyly qarýly toptar aımaqtaǵy beıbit turǵyndarǵa kóptegen shabýyl jasapty. Máselen, 2021 jylǵy 2 qarashada ózin ózi qorǵaý mılısııasynyń 69 múshesin óltirip ketken. Sol jyldyń qazan aıynda motosıkl mingen shabýylshylar keshki namaz kezinde Tızegor mańyndaǵy meshitte 10 adamdy óltirgen.
Eldiń qorǵanys mınıstrliginiń málimetinshe, osy aıdyń basynda eldiń ońtústik-batysynda Sahelde uıymdastyrylǵan jarylys saldarynan bes nıgerlik sarbaz qaza tapqan.
Bul qarýly toppen kúresý úshin elge shaqyrylǵan halyqaralyq kúshterdiń kómegine qaramastan álgilerge tosqaýyl tabylmaı otyr. Jergilikti kúshterdi ıslamdyq radıkaldar qoldaıdy degen aqparat bar.