Muzaıdyn paıdalanýǵa berildi

Saltanatty shara barysynda quttyqtaý sóz sóılegen aımaq basshysy sońǵy eki jyl ishinde óńirde 8 jańa sport nysany ashylǵanyn atap ótti.

– Elimizde buqaralyq sport túrleri damyp keledi. Má­selen, byltyr paıdalanýǵa berilgen shańǵy bazasynda res­pýblıkalyq deńgeıdegi iri ja­rystar ótýde. Búginde oblysta 300 myńǵa jýyq eresekter, 80 myńnan astam balalar men jasóspirimder sportpen aınalysýda. Memlekettik sporttyq tapsyrys aıasynda 7 myńnan astam bala tegin úıirmelerge baryp júr. Bul maqsatqa oblys bıýdjetinen 500 mln teńge bólindi. Osydan jıyrma jyl buryn qala ortalyǵynda salynǵan muz sa­­raıynyń qurylǵylary es­kirip ketkendikten, sport nysanyn mamyrdan qazan aıyna deıin jaýyp qoıýǵa týra keledi. Al búgin paıdalanýǵa berilgen jańa muz aıdyny ýaqyt talap­taryna saı jyl on eki aı jumys isteıdi. Eń bastysy, endi munda óńir namysyn qorǵap júrgen óz sportshylarymyz jattyǵatyn bolady, – dedi A.Muhambetov.

Oblys ákiminen soń KSRO eńbek sińirgen sport sheberi, shaıbaly hokkeıden eki dúrkin Olımpıada, 8 dúrkin álem chempıony Sergeı Makarov muz aıdynyna shyqty. Kópshilikpen «Assalaýmaǵaleıkúm!» dep mu­syl­mansha amandasqan áı­gili sportshy jańa saraı­dyń jastar úshin paıdasy zor ekenin, mundaı muz aıdyny kez kelgen óńirde bo­la bermeıtinin aıtyp, endi 5-6 jyldan keıin Qostanaıda hokkeı sheberleriniń jańa býy­ny ósip shyǵatynyna senim bildirdi.

Jańa nysanǵa jınalǵandar odan keıin Petropavl qala­synan kelgen «Qulager» hok­keı komandasy men rýd­nyılyq «Gornıaktyń» ara­syndaǵy joldastyq kezdesýdi tamashalady.

Slovakııalyq N+N Tech­nika kompanııasynyń óki­li, atalǵan muz arenasynyń dırektory Talǵat Erishov: «Muz arenasy eń soń­ǵy úl­gidegi zamanaýı quryl­ǵy­lar­men jab­dyqtalǵan. Munda naýryz aıynan bastap №3 balalar men jasóspirimder sport mek­tebiniń tárbıelenýshileri jat­tyǵa bastaıdy. Qala tur­ǵyn­daryna da esik ashyq. Mu­zaı­dynǵa kelýshiler úshin arnaıy konkıler satyp alyn­ǵan. Bul konkılerdi ere­sekter shamamen 2 myń teńgege, al balalar 1000 teńgege jalǵa ala alady», dedi.

Muz saraıynyń 500 kólikke arnalǵan avtoturaǵy bar. Kók­tem shyǵyp, kún jylynǵan soń, jańa nysannyń aınalasyna jasyl jelek otyr­ǵyzylyp, abattandyrylatyn bolady.

QOSTANAI