Soǵys órti tutanǵan Ýkraına elinen Moldovaǵa óz qalaýymen jetken on otandasymyzdy elge qaıtarý máselesi retimen sheshiledi. Bul týraly QR Syrtqy ister mınıstrliginiń resmı ókili Aıbek Smadııarov aqparat taratty, dep habarlaıdy Egemen.kz.
«Elshilik Moldovadaǵy otandastarymyzǵa arnaıy kólik ázirlegen. Azamattar vıza alǵannan keıin Rýmynııa arqyly shekaradan ótedi. Keıinnen bul jumysqa Býharest qalasyndaǵy Qazaqstan elshiligi kirisedi. Sol arqyly Ystanbulǵa odan ári azamattarymyzdy elge jetkizý jumystary júzege asyrylady», deıdi ol.