Atyraý oblysynda eki aýdan ortalyǵyn erigen qar sýy basty, dep habarlaıdy Egemen.kz.
«Atyraý oblysynyń Inder jáne Qyzylqoǵa aýdandarynda erigen qardan sý tasqynyn boldyrmaý úshin avarııalyq-qutqarý jumystary júrgizilýde. Inderbor aýdan ortalyǵynda kóshe bóligindegi erigen qar sýynyń tereńdigi 30 santımetrge jetti. Inder aýdany Jarsýat aýylynyń kóshelerin de sý basty. Erigen qar sýyn toqtatý barysynda Tótenshe jaǵdaılar departamentiniń qyzmetkerleri arnaıy tehnıkamen qatysady.
Qyzylqoǵa aýdanynyń Mııaly aýdan ortalyǵynda da osy jaǵdaı boıynsha avarııalyq-qutqarý jumystary júrgizilýde. Qyzylqoǵa aýdany Mııaly aýylynyń Qarabalın jáne Aqqý kóshelerinde 280 m3 sý arnaıy tehnıkamen joıyldy . Atyraý oblysy Tótenshe jaǵdaılar departamentiniń 5 qyzmetkeri, 2 arnaıy mashına jáne jergilikti atqarýshy organnyń 2 motopompasy jumyldyryldy», dep habarlaıdy Atyraý oblysy TJD qoǵammen baılanys toby.
Buǵan deıin QR TJM tótenshe jaǵdaılardyń aldyn alý departamentiniń bastyǵy Rýstambek Amrın elimizdiń sý tasqyny qaýpi bar aımaqtaryn atady.