Taraz taýnhaýstary týraly joba júzege asatyn boldy

Taraz qalasynda taýnhaýstar qurylysy bastalatyn boldy. Bul týraly oblys ákimi Kárim Kóki­rekbaevtyń tóraǵalyǵymen ótken jınalysta aıtyldy. «Taýnhaýs» degen ne? Al­ǵash ret sonaý HIH ǵasyrda Ulybrıtanııada salynǵan qury­lystardyń maǵynasyn qazaq tiline sózbe-sóz aýdarsaq «qalalyq úıler» bolyp shyǵady. Olar keıin AQSh, Kanada elderinde erekshe kóp qolǵa alyna bastady. Al Reseı elindegi taýnhaýstar 1995 jyly Máskeý mańyndaǵy Novgorod, Troısk qalalary men Novye Rjavkı poselkesinde salyndy. Halyqtyń kózi úırenip qalǵan kóp qabatty turǵyn úılerden taýn­haýstardyń ereksheligi nede? Ol ne­bári eki qabatty jáne ár páterdiń óz podezderi bolady. Sondaı-aq, garajy, taǵy basqa da turmystyq qajettilikteri eskerilýi múmkin. Taraz­­daǵy taýnhaýstar bul talaptarǵa jaýap bere me, joq pa, ony ýaqyt kórsetedi. Eń bastysy, «Qoljetimdi bas­pana-2020» memlekettik baǵ­dar­lamasy aıasynda qolǵa alyn­baq taýnhaýstar turǵyndar úshin qoljetimdi bolmaq. Jáne ús­timizdegi jyldan bas­tap «Tam Qurylys» JShS kanadalyq tehnologııamen 130 otbasyǵa arnalǵan taýnhaýstar qurylysyn júrgize bastaıdy. Oblys ákiminiń olarǵa qurylysty bastaıtyn jer má­selesin jedel túrde sheship berýi de úıden úmittilerdi rıza etip otyr. Sonymen birge, «Qazaqstan Ipo­tekalyq Kompanııasy» IU» AQ Taraz qalasynyń «Báıterek» shaǵyn aýdanynan kópqabatty 2 úıdiń qurylysyn júrgizbek. Oblys basshysynyń osyndaı tyń bastama, sony sheshimderiniń nátıjesinde jyl sońyna deıin 200-ge jýyq tarazdyq otbasy qonys toıyn toılaıdy dep kútilýde. Kósemáli SÁTTIBAIULY, «Egemen Qazaqstan». Jambyl oblysy. Sýrette: sheteldegi taýnhaýstar osyndaı.