Memleket basshysy Nursultan Nazarbaev jazýshy jáne qoǵam qaıratkeri Dýlat Isabekovti qabyldady, dep habarlady Prezıdenttiń baspasóz qyzmeti.
Almatydaǵy rezıdensııada ótken áńgime barysynda otandyq mádenıetti damytý máseleleri men qazirgi zamanǵy ádebı úderisterdiń ártúrli qyrlary talqylandy.
Memleket basshysy qazaqstandyqtardyń mádenı jáne rýhanı baıýyna tikeleı yqpal etetin jazýshylar men barlyq shyǵarmashylyq ókilderi qyzmetiniń mańyzdylyǵyn atap ótti, sondaı-aq, barshasyna tabys tiledi.
D.Isabekov óziniń sońǵy jazǵan týyndylary men shyǵarmashylyq josparlary jóninde áńgimeledi. Atap aıtqanda, ol aldaǵy ýaqytta Londonda aǵylshyn tilindegi kitabynyń tusaýkeseri jáne «О́kpek jolaýshy» pesasy boıynsha qoıylatyn spektakldiń premerasy ótetinin aıtty.