IBF jáne IBO tujyrymdary boıynsha orta salmaq dárejesindegi álem chempıony, otandasymyz Gennadıı Golovkın men WBA Super beldiginiń ıesi, japonııalyq Rıota Mýrata arasyndaǵy jekpe-jek qashan ótetini belgili boldy, dep habarlaıdy Egemen.kz.
Japonııa astanasy Tokıo qalasyndaǵy «Saıtama» kesheninde uıymdastyrylatyn boks keshi endi toǵyzynshy sáýirde ótpek. Bul týraly ESPN qyzmetkeri Maık Koppındjer aqparat taratty.
Áýelde 2021 jyldyń jeltoqsanynda qolǵap túıistirýge tıis bolǵan eki myqtynyń arasyndaǵy shaıqas endi Gennadıı Golovkınniń mereıtoıymen sáıkes kelip otyr.
Esterińizge sala keteıik, 8 sáýir kúni Gennadıı Golovkın 40 jasqa tolady.